Աշխատանքային պրակտիկա

Ծրագրի նպատակն է՝ առաջին անգամ աշխատաշուկա մուտք գործող գործազուրկին` իր մասնագիտական որակավորմանը համապատասխան մասնագիտական աշխատանքային փորձ ձեռք բերելուն, աշխատաշուկայում առավել մրցունակ դառնալուն և հարմար աշխատանքի տեղավորվելուն աջակցումը  ու  կայուն զբաղվածության ապահովումը:

Գործազուրկը կարող է մասնակցել ծրագրին մեկ անգամ` մասնագիտական կրթություն  և որակավորում ստանալուց հետո առավելագույնը  5 տարվա ընթացքում:

Ծրագիրը ֆինանսավորվում է ՀՀ պետական բյուջեի միջոցների հաշվին և օրենքով չարգելված այլ աղբյուրներից` ՀՀ օրենսդրությամբ սահմանված կարգով:

Ծրագրի ամբողջ ժամանակահատվածի ընթացքում վճարվում է.

• գործազուրկին՝ աշխատավարձ` նվազագույն ամսական աշխատավարձի չափով,
• գործատուին՝ գործազուրկի աշխատավարձից հաշվարկվող եկամտային հարկը և օրենքով սահմանված դեպքերում` նպատակային սոցիալական վճարը փոխհատուցելու համար,
• գործատուի մոտ աշխատանքային փորձի ձեռքբերման գործընթացը կազմակերպող մասնագետին գումար՝ ամսական կտրվածքով, օրենքով սահմանված նվազագույն ամսական աշխատավարձի 50%-ի չափով:

Ծրագիրն իրականացվում է տարածքային կենտրոնի կողմից վարվող համապատասխան բանակցությունների արդյունքում ընտրված գործատուի կողմից, որի արդյունքում` գործատուի, գործազուրկի և գործազուրկին հաշվառած տարածքային կենտրոնի միջև կնքվում է ծրագրի կազմակերպման մասին եռակողմ պայմանագիր:

Ծրագրի առավելագույն տևողությունը 3 ամիս է: