Գործատուի և աշխատանք փնտրողի անմիջական հաղորդակցման միջոցով՝ աշխատանք փնտրողի կայուն զբաղվածության և գործատուի մոտ առկա թափուր աշխատատեղի արդյունավետ համալրման ապահովումն է:

Ի՞նչ է աշխատանքի տոնավաճառը.

Աշխատանքի տոնավաճառը մեկօրյա միջոցառում է, որը հեշտացնում է գործատուների և աշխատանք փնտրողների հանդիպումը, և օգնում գործատուին գտնել աշխատող, իսկ աշխատանք փնտրողին` աշխատատեղ:

Գործակալությունը կազմակերպում է աշխատանքի տոնավաճառ ՀՀ մարզերում և Երևան քաղաքում ՀՀ օրենսդրությամբ սահմանված կարգով` ելնելով աշխատաշուկայի վերլուծության և կանխատեսման արդյունքներից:

Տոնավաճառի խնդիրն է հանրության լայն շրջանակներում տնտեսության զարգացող ոլորտների, նոր մասնագիտությունների հանդեպ հետաքրքրություն առաջացնելը, ինչպես նաև գործատուների աշխատուժի պահանջարկը լրացնելը:

Ի՞նչ կարող է տալ աշխատանքի տոնավաճառը գործատուին և աշխատանք փնտրողին.

գործատուին

Կարճ ժամանակահատվածում հանդիպել մեծ թվով աշխատանք փնտրողների,
բարձր որակավորում ունեցող աշխատողներով համալրել թափուր աշխատատեղերը,
ստեղծել որակյալ մասնագետների տվյալների բազա,
գովազդել կազմակերպությունը, արտադրանքը կամ ծառայությունները:

աշխատանք փնտրողին

Նույն վայրում հանդիպել բազմաթիվ գործատուների հետ,
անմիջապես կապեր հաստատել տարբեր գործատուների հետ,
գտնել իր որակավորմանը համապատասխան մասնագիտական աշխատանք,
ընդգրկվել տարբեր գործատուների տվյալների բազայում` առաջիկայում աշխատանքի առաջարկ ստանալու ակնկալիքով:

գործատուին և աշխատանք փնտրողին

Ստանալ տեղեկատվություն աշխատաշուկայի միտումների վերաբերյալ,
ստանալ տեղեկություններ զբաղվածության պետական ծրագրերի վերաբերյալ,
ստանալ տեղեկություններ ուսումնական հաստատությունների և նրանց ծրագրերի վերաբերյալ,
ծանոթանալ տարբեր կազմակերպությունների գործունեությանը` աշխատաշուկայում ճիշտ կողմնորոշվելու և մրցունակ դառնալու նպատակով:

Տոնավաճառը բաց է բոլոր աշխատանք փնտրողների համար:

Մանրամասն տեղեկությունների համար կարող եք դիմել զբաղվածության տարածքային կենտրոններ: