Աշխատանքի տոնավաճառ Գավառում
Ս/թ. հունիսի 18-ին Գեղարքունիքի մարզի Գավառ քաղաքում պետական բյուջեի ֆինանսավորմամբ և «Զբաղվածության պետական ծառայություն» գործակալության նախաձեռնությամբ տեղի ունեցավ աշխատանքի տոնավաճառ:
Քաղաք Գավառում կազմակերպված աշխատանքի տոնավաճառը 2010 թվականի ընթացքում նախատեսված տոնավաճառներից առաջինն էր, որին մասնակցեցին շուրջ 55 գործատու և շուրջ 800 աշխատանք փնտրող, նրանցից 500-ը տոնավաճառի վերաբերյալ տեղեկացել էին զբաղվածության մարզային և տարածքային կենտրոններից, աշխատանքի տոնավաճառի ընթացում ներկայացվեց շուրջ 230 թափուր աշխատատեղ: Համաձայն Գավառի զբաղվածության մարզային կենտրոնից ստացված տվյալների` նոյեմբերի 1-ի դրությամբ, տոնավաճառի արդյունքում աշխատանքի է տեղավորվել 99 անձ:
Աշխատանքի տոնավաճառ Վանաձորում
Ս/թ. հուլիսի 7-ին, Վանաձոր քաղաքում` «Շառլ Ազնավուրի» անվան մշակույթի պալատում, պետական բյուջեի ֆինանսավորմամբ և «Զբաղվածության պետական ծառայություն» գործակալության նախաձեռնությամբ տեղի ունեցավ աշխատանքի տոնավաճառ:
Վանաձորի տոնավաճառին մասնակցեցին 39 գործատու և շուրջ 3000 աշխատանք փնտրող, ներկայացվեց շուրջ 615 առկա և 132 սպասվող թափուր աշխատատեղ: Համաձայն Վանաձորի զբաղվածության մարզային կենտրոնից ստացված տվյալների` նոյեմբերի 1-ի դրությամբ, տոնավաճառի արդյունքում աշխատանքի է տեղավորվել 67 անձ:
Աշխատանքի տոնավաճառ Իջևանում
Ս/թ. օգոստոսի 18-ին, Իջևան քաղաքում, պետական բյուջեի ֆինանսավորմամբ և «Զբաղվածության պետական ծառայություն» գործակալության նախաձեռնությամբ տեղի ունեցավ աշխատանքի տոնավաճառ:
Իջևան քաղաքում կազմակերպված աշխատանքի տոնավաճառին մասնակցեցին 40 գործատու և շուրջ 2500 աշխատանք փնտրող, աշխատանքի տոնավաճառի ընթացում ներկայացվեց շուրջ 92 առկա և 50 սպասվող թափուր աշխատատեղ: Ըստ Իջևանի զմկ-ի կողմից ներկայացված տվյալների` նոյեմբերի 1-ի դրությամբ, տոնավաճառի արդյունքում աշխատանքի է տեղավորվել 52 անձ:
Աշխատանքի տոնավաճառ Գյումրիում
Ս/թ.սեպտեմբերի 8-ին, Գյումրի քաղաքում, պետական բյուջեի ֆինանսավորմամբ և «Զբաղվածության պետական ծառայություն» գործակալության նախաձեռնությամբ տեղի ունեցավ աշխատանքի տոնավաճառ: Տոնավաճառին մասնակցեց 34 գործատու, ներկայացվեց շուրջ 115 թափուր և 137 կանխատեսվող աշխատատեղ և մասնակցեց շուրջ 2500-3000 աշխատանք փնտրող: Ըստ Գյումրու զմկ-ի կողմից ներկայացված տվյալների` նոյեմբերի 1-ի դրությամբ, տոնավաճառի արդյունքում աշխատանքի է տեղավորվել 70 անձ:
Աշխատանքի տոնավաճառ Աբովյանում
Ս/թ. հոկտեմբերի 29-ին, Աբովյան քաղաքում, պետական բյուջեի ֆինանսավորմամբ և «Զբաղվածության պետական ծառայություն» գործակալության նախաձեռնությամբ տեղի ունեցավ աշխատանքի տոնավաճառ:
Կազմակերպված աշխատանքի տոնավաճառին մասնակցեցին 37 գործատու և շուրջ 2500 աշխատանք փնտրող, աշխատանքի տոնավաճառի ընթացում ներկայացվեց շուրջ 130 առկա և 45 սպասվող թափուր աշխատատեղ: Ըստ Աբովյանի զտկ-ի կողմից ներկայացված նախնական տվյալների` նոյեմբերի 1-ի դրությամբ, տոնավաճառի արդյունքում աշխատանքի է տեղավորվել 4 աշխատանք փնտրող:
Աշխատանքի տոնավաճառ Երևանում
Ս/թ. նոյեմբերի 13-ին, Երևան քաղաքում, Կառավարական 3 շենքում պետական բյուջեի ֆինանսավորմամբ և «Զբաղվածության պետական ծառայություն» գործակալության նախաձեռնությամբ տեղի ունեցավ աշխատանքի տոնավաճառ:
Երևանի տոնավաճառին մասնակցեց 81 գործատու և շուրջ 6500 աշխատանք փնտրող, ներկայացվեց 280 առկա և 192 սպասվող թափուր աշխատատեղ:
Մանրամասն տեղեկությունների համար կարող եք դիմել զբաղվածության մարզային և տարածքային կենտրոններ:
