Փետրվար

Զբաղվածության ցուցանիշները հանրապետությունում
2010թ-ի մարտի 1-ի դրությամբ

"Զբաղվածության պետական ծառայություն" գործակալության տվյալներով 2010թ. մարտի 1-ի դրությամբ հանրապետությունում գործազրկության մակարդակը տարեսկզբի համեմատ աճել է  0,2 տոկոսային կետով և կազմում է 7.3%: Այն հանրապետության միջինից բարձր է  Շիրակի` 12.4 %, Սյունիքի` 11.4 %, Լոռու` 11.2%,  Կոտայքի` 9.8%, Տավուշի` 9.0%, մարզերում և Երևան քաղաքում 7.8%: Հանրապետությունում ըստ ԱՎԾ-ի  զբաղվածների թիվը կազմում է 1073.4 հազ. մարդ և տնտեսապես ակտիվ բնակչության (զբաղված գումարած գործազուրկ) թիվը` 1157.0 հազ. մարդ: 
Աշխատանք փնտրողների թիվը  մարտի 1-ի դրությամբ կազմել է  99.7 հազար, որը նախորդ տարվա նույն ժամանակահատվածի նկատմամբ աճել է 4.8 %-ով (94.9հազ. մարդ): Աշխատանք փնտրողների թվաքանակում կանանց տեսակարար կշիռը կազմում է 66.4 % կամ 66.2 հազ. մարդ, երիտասարդների տեսակարար կշիռը` 20.9% կամ 20.8 հազ, մարդ: Չզբաղված անձանց թվաքանակը կազմում է աշխատանք փնտրողների 85.5% կամ 85.3 հազ. մարդ: Գործազուրկների թվաքանակը կազմում է  աշխատանք փնտրողների 83.9%-ը  կամ 83.6 հազար: Այս ցուցանիշը նախորդ տարվա նույն ժամանակահատվածի համեմատ աճել է 10.4%-ով (75.7 հազ. մարդ): Գործազուրկների թվաքանակում կանանց տեսակարար կշիռը շարունակում է բարձր մնալ և կազմում է 70.4%:

Փետրվար ամսին աշխատանքի է տեղավորվել 983 աշխատանք փնտող: Աշխատանքի տեղավորվածներից 518-ը (52.7%-ը) կանայք են,259-ը (26.3%-ը) երիտասարդներ են:
Աշխատաշուկայի լարվածության մեղմմանն ուղղված զբաղվածության կարգավորման 2010թ պետական ծրագրով  փետրվարի մեկի դրությամբ իրականացվել են հետևյալ ծրագրերը.

• <<Աշխատաշուկայում անմրցունակ անձանց աշխատանքի ընդունելիս աշխատավարձի մասնակի փոխհատուցում գործատուին>> ծրագրով տարեսկզբից աշխատանքի է տեղավորվել 35 աշխատանք փնտրող,
• <<Գործազուրկներին այլ վայր աշխատանքի գործուղելու կապակցությամբ նյութական ծախսերի հատուցում>> ծրագրում ընդգրկվել է 2 գործազուրկ:

Փետրվար ամսին գործազրկության նպաստ ստացողների թիվը կազմել է 26131 գործազուրկ: 

Զբաղվածության պետական ծրագրերում ընդգրկած անձանց թիվը  
 

ԶՏԿ-ներում հաշվառված աշխատաշուկայում անմրցունակ խմբերում ընդգրկված  անձանց  թվաքանակը